呢期興要吃「好西」，「好西」係咩？ 咪好東西囉！君悅酒店Mezza9新主廚上任，梗係有「好西」食！今次主打葡國美食，皆因主廚RICARDO FREIXAL DE OLIVEIRA是葡國人，先在法國留學藝，再回葡國大酒店工作，練就一身好廚藝。
菜單
燒沙甸魚、雜菜沙律
肉質較實但味甜，魚不乾，有驚喜。
蒜蓉白酒虎蝦
簡單滋味！酒可以說是海鮮類的好朋友，特別夾！虎蝦肉厚，用酒突出蝦的鮮香，冇得輸。
炭燒鱸魚、傳統葡式牛油醬
乾脆利落的惹味，魚肉一瓣瓣，配傳統葡式牛油醬，啖啖葡味。
燒春雞、蕃茄、煙肉、意大利香草
汁濃啖啖肉。
葡式煎西冷、咖啡汁
西冷遇上咖啡，有新意。黑椒汁西冷已食到了無新意，來點新的吧，咖啡香西冷味濃。
馬介休、青豆忌廉蓉、蕃茄、油封蒜蓉
數經典葡菜，點可以冇馬介休。佢可以獨當一面，自己就是主菜，又可以當配菜，與主菜互相融合，將味道發揮至最高境界。
豬頸肉、蜆、燈籠椒醬
鮮、爽！蜆鮮，豬肉爽。
