Android手機愈來愈多人使用，但效能及電量卻未能取得平衡，處理器愈快，自然愈快冇油收工，勁冇癮！Samsung就針對以上問題，新推出的GALAXY S Plus不但比舊版GALAXY S快36%，同時電量也大幅增長24%，全面「升呢」，堪稱又快又長氣！

效能增36%一代機王GALAXY S全球大賣逾1,000萬部，賺到錢之餘仲衍生出極多子型號，例如純Wi-Fi版、Super Clear LCD版、雙核心GALAXY S II等，種類繁多。今次GALAXY S Plus可說是GALAXY S的升級版，首先是把處理器時脈由1GHz提升至1.4GHz，令效能提升36%；其次是改用1,650mAh鋰電池，令電量增加24%，單係通話時間便延長了4小時，保證打完機都可以繼續煲粥！

拍攝配套豐富

效能升呢，但外形卻沒有大改變，例如沿用上代塑膠物料，機背招牌的波點印花亦保留下來，愛玩款的用戶未免失望。然而唔改款轉為提升效能亦有好處，小記覺得4吋Super AMOLED的畫質就比上代Super Clear LCD優勝得多。至於鏡頭亦有500萬像素，雖然不設補光燈，但卻有齊觸控對焦、720p高清拍攝、美顏及卡通等特效模式，加上Layar實境導覽，拍攝配套絕對收貨有餘。

下載獨家程式很多Android手機都棄用公版介面，改玩自家UI，Samsung由Feature Phone年代已開始研發TOUCHWiZ介面，行Android 2.3的GALAXY S Plus當然不例外。而且在7版首頁外，還可連接Samsung Apps商店下載Widgets，例如《Yahoo!即時頭條》等，為內涵無限增值。其連線配套亦見豐富，不但支援802.11n，藍芽也升級至3.0規格，最重要是支援Flash Player，可以原汁原味睇ontv東方電視！

規格表
制　　式︰GSM四頻、WCDMA
屏　　幕︰4吋Super AMOLED（480×800解像度）
鏡　　頭︰500萬像素
記憶體︰內置16GB、支援32GB microSD
對外連接︰藍芽3.0、USB 2.0、14.4Mbps HSDPA、802.11b/g/n
通話時間︰17.3小時（GSM）、7.8小時（3G）
備用時間︰480小時（GSM）、430小時（3G）
作業系統︰Android 2.3
體　　積︰122.4×64.2×9.9mm
重　　量︰119g

資料來源：東方日報