農曆新年到，麥當勞今年推出一系列賀年造型Monchhichi掛飾迎春接福，Monchhichi變身招財貓同大家開運。如意、幸運、金運、福氣、戀愛，你又喜歡邊一樣？全部鍾意！貪心？不，咁得意又好意頭開運掛飾，邊個唔想啊！

而家喺麥當勞凡惠顧任何食品滿HK$18，即可以HK$20換購Monchhichi開運小掛飾其中一款；買任何食品加238蚊就可換購全套限量版「Monchhichi開運小掛飾」，入面有如意、幸運、金運、福氣、戀愛五款小掛飾，仲有特別版「大吉」Monchhichi掛飾、特別版Monchhichi開運小手袋、五張新春系列麥當勞美食券、一套四款利市封同一張特別版為食卡。