泰國菜，出現在你我的飯局上的次數一定不少。素的泰國菜呢，食過未？潮流興Go Green，一是健康二是環保。星期四的午餐時間，在食家「劉華」帶領下，一行六人Green  Thursday。

泰式五香炆豬手

泰式綠咖哩煮魚

第一次吃泰素，非常期待。六人十菜再加甜品，咪話唔誇張！原來，泰素亦可以非常泰國味。安泰來泰式素食店，店舖面積小，毫不起眼的裝修，一入店會感受那股「慈悲」味，福從做中得歡喜、慧從善解得自在。

Green  Thursday的菜式係常見常吃的菜，五香豬手、綠咖哩煮魚、炒雜菌、盤龍鱔、甜酸豆腐、炸三寶、素壽司、百合炒素、菠蘿炒飯及預訂由清邁直飛澳門先有得食的「通渠菜」，本人最愛豬手，形神俱似，食出泰國味。講個秘密畀大家知，安泰來的大廚是泰國人，知道點解非常泰國味了吧！

做出極致的是自家制！自家製的壽司醋汁，自家製的酸梅汁，最為驚艷的是自家製酵素提子汁，色香味純如紅酒，醉了醉了！

「通渠菜」利於腸道暢通